Қытайда мыңға жуық турист қар құрсауында қалды

Қытайдың Шыңжаң Ұйғыр Автономиялық Аймағында, мыңға жуық турист қар құрсауында қалып қойған. Оларды құтқаруға әрекет жасалып жатыр, әзірге нәтиже болмай тұр. Саяхатшылар Қазақстанмен, Ресеймен, Моңғолиямен шекаралас курорттық Хему ауылында. Олар Алтай тауларында бірнеше рет қар көшіп, жолдар жабылып қалғандықтан кері қайта алмады. Сол жолдарды тазартуға арнайы техника мен сарбаздар жіберілді. Бірақ кейбір жерлерде қардың биіктігі жеті метрден асып кеткендіктен, туристерге жету мүмкін болмай отыр. 

Арыстан Рысбек