Алматыда құрылыс заттары сақталған қойма өртенді

Алматыда қаланың қақ ортасында құрылыс заттарына толы қойма өртенді. Ішінде лак-бояу өнімдері де болғандықтан, қызыл жалын бірден шарпып кеткен. 500 шаршы метр аумақтағы өртті сөндіруге 21 техника, 100-ден астам адам жұмылдырылған. Әзірге өрттің неден шыққаны белгісіз. Өрт сөндірушілері 6 минутта жетіп, оны жарты сағатқа жетпей ауыздықтап үлгерді. Оқиға кеше кешкі 21:00 шамасында болған.

Тілеуберді Мәдиев, Қалалық ТЖД «Өрт сөндіру және авариялық құтқару қызметі» мемлекеттік мекемесінің бастығы:

Өрттің көршілес орналасқан қоймаларға таралу қаупі туындады, өртті сөндіру қойма жайлары тез жанғыш бұйымдаға лық толған (битум, лак-бояу) себебінен қиындатты. Өрт орнында штаб жұмысы ұйымдастырылып, үш өрт сөндіру учаскесі құрылып, негізгі басым міндеттер айқындалды. Өртті сөндіру барысында қауіпсіз жерге 3 оттегі және 4 газ баллон эвакуацияланды.

Әйгерім Ердәулет