Жаңалықтарды Telegram арнамыздан оқыңыз!Мемлекет басшысы Үкіметтің өнімді жұмыс істеуі үшін мүмкіндіктері жеткілікті деді. Яғни, олар стратегиялық міндеттер мен күнделікті жұмысын қоса атқарады. Қасым-Жомарт Тоқаев ең бастысы, Үкімет басындағылар тиімді жоспарлау мен ресурстарды орынды пайдалануды әлі де жүйелеу керектігін айтты.
Қасым-Жомарт Тоқаев, Қазақстан Республикасының Президенті:
«Бүгінде Үкіметтің өкілеттігі айтар¬лық¬тай кеңейді. Қыркүйек айында құры¬лымы өзгерген Президент Әкім¬шілігі еліміздің әлеуметтік-экономи¬калық дамуына қатысты стратегиялық бағыттарға баса назар аударатын болды. Енді Әкімшілік бұрынғыдай Үкіметті, кейбір министрліктер мен ведомстволарды жетелеп жүрмейді. Президент Әкімшілігі атқарушы биліктің қызметіне араласпай, бас¬ты саяси штаб ретінде ғана жұмыс істейді. Бір сөзбен айтсақ, қазір Атқарушы билікке жан-жақты ойластырылған іс-қимыл стратегиясы және өз міндетін тиімді жүзеге асыруға деген ынта-жігер ғана қажет. Дербестікке және қосымша өкілеттікке ие болуға ұмтылған Үкімет қалағанын алды. Бірақ «алмақтың да салмағы бар», оларға қойылатын талап та күшейді. Үкімет мұны түсінуге тиіс».
