Австралияның шығысын су басты

Австралияның шығысында төпелеп жауған жаңбыр соңы алапат тасқынға ұласты. Талай елді мекенді су басқандықтан, үкімет халықты биік жерлерге көшуге шақырып отыр. Әсіресе, Жаңа Оңтүстік Уэлс және Квинсленд штаттарында жағдай қиын. Бұл аймақтарға 24 сағатта бір айдың жауыны жауған. Сарапшылардың пайымынша, елде су апаттарының жиілеуіне климаттың өзгеруі себеп. Австралияда желтоқсан-ақпан жаз айлары болғандықтан, алдағы уақытта циклондар мен орман өрттері жиілеп, кейбір аудандарды қуаңшылық жайлайды деген болжам бар.

Арыстан Рысбек