Жаңалықтарды Telegram арнамыздан оқыңыз!
Аргентина астанасы Буэнос-Айресте үкіметтің экономикалық саясатына қарсы ауқымды шеру өтіп жатыр. Оған сан мың адам жиналды. Соңғы мәліметке қарағанда, демонстрация полициямен қақтығысқа ұласып, 6 адам тұтқындалған. Аргентинаның жаңа президенті Хавьер Милей экономикалық дағдарысты еңсеруге бағытталған 300 шараны жариялады. Солардың ішінде қаржылық шығындарды қысқарту, мемлекеттік сектордағы 5 мың адаммен арадағы келісім шарттарды қайта қару тәрізді ұсыныстар бар. Шерушілердің сөзінше, бұл реформа олардың негізгі құқықтарын бұзып, жалақыға кері әсер етеді. Билік болса, кедейшілік деңгейін төмендетіп, 200 пайызға жеткен инфляцияны тежеу үшін экономиканы қайта реттеу қажет деп есептейді.
Арыстан Рысбек
