Мыңдаған мигрант АҚШ-қа аттанды

Мексиканың оңтүстігіндегі Тапачула қаласынан сан мың мигрант ұзақ жолға шықты. Армандары – Америка Құрама Штаттарына жету. Олардың алдыңғы шебіндегілер Мексика туын желбіретіп, «Кедейлер көші» деген транспарант ұстаған. Латын Америкасы елдеріндегі зорлық-зомбылық, экономикалық күйзелістен және климаттық өзгерістің жағымсыз әсерінен қашқан мигранттар жақсы тұрмыс іздеп бара жатыр. Вашингтон олар үшін Техас-Мексика шекарасында екі өткізу пунктін ашқан. Ал Мексика президенті Лопес Обрадор америкалық шекарашылардың қызметін жеңілдету мақсатында бұл көшті шектейтінін мәлімдеді.

Арыстан Рысбек