Батыс Қазақстан облысында қаржы пирамидасын құру мен басқару бойынша 13 қылмыстық іс тіркелді

Батыс Қазақстан облысында қаржы пирамидасын құру мен басқару бойынша 13 қылмыстық іс тіркелді. Облыстық экономикалық тергеп-тексеру департаменті мамандары олардың денін тергеп, сотқа берген. Түрлі сайттар мен әлеуметтік желідегі алаяқтарды анықтау үшін жасанды интеллект жүйесі тартылған. IT құралдардың көмегімен күмәнді, заңсыз контенттер тексеріледі. Жыл басынан бері пирамида түріндегі 4 мыңнан астам сайт пен аккаунт бұғатталды. Елімізде негізінен 31 мен 60 жас аралығындағы, жұмысы бар, жоғары білімді азаматтар алаяқтардың арбауына түсіп қалады.

Нұрбол Рахметов, Облыстық экономикалық тергеп-тексеру департаменті басшысының орынбасары:

Б.Әліпқалиева деген азаматша сотталды. Ол Instagram әлеуметтік желісі арқылы жеке тұлғалардан «Халық Банк» АҚ және «Каспи банк» карточкалық шоттарына ақша қаражатын тарта отырып, «Нұр жиһаз» онлайн жобасында жиһаз ұтыс ойыны арқылы қаржы пирамидасын ұйымдастырған. Осы қаржы пирамидасына 2 мың салымшылар 169 млн. теңге көлемінде қаражат салған.

Ардақ Мұратқызы