Тesla 2 млн электромобильді кері қайтарады

Илон Масктің «Тесла» компаниясы 2 миллиондай электромобильді кері қайтарып жатыр. Себебі Американың реттеуші органы оның автоматтық басқару жүйесінен қауіпті ақау тапқан. Бұның алдында осы машиналардың қатысуымен бірнеше жол апаты болды. Ол оқиғалар екі жылдан бері тергеліп жатыр. Жалпы алғанда, «Тесланың» 2015 жылдан бері АҚШ аумағында сатылған барлық автопилотты электромобильдері кері қайтарылмақ. Ресми түрде бұлай аталғанымен, олар зауытқа қайтарылмайды. Компания электромобильдердің борттық компьютеріне жүргізушінің жағдайын бақылайтын жаңа автопилот бағдарламасын интернет арқылы жүктей береді.

Арыстан Рысбек