Қызылшаға қарсы екпе ерекше балаларға да салынады

Қызылшамен ауырып жазылған үлкен де, кіші де оны қайтадан жұқтырмайды деген қате түсінік. Осылай деген дәрігерлер екпе салдыруға шақырады. Осы айда 5 мыңнан астам балаға вакцина салынса, оның дені 6 айлық сәбилер. Айтпақшы, жаппай иммундау кезеңі дәл осы 6 айлық балалардан басталады.

Жасұлан Алпысбаев, ҚР ДСМ санитариялық-эпидемиологиялық бақылау комитетінің басқарма басшысы:

Мысалы, жоспарлы түрде бір жастан алынатын болса енді, бір жасқа дейінгі балалар да ауырып жатыр ғой сол үшін балалар ауырмауы үшін жаңа туған нәрсетелерді 6 айдан бастап егіп жатырмыз. Қызылшаға қарсы вакцина алған кезде жүріп-тұруы немесе мүмкіндігі шектеулі балалар немесе аутизммен ауыратын балалар деп бөлмейміз. 

Мамандар, қызылшаның алғашқы белгісі дене қызуының көтерілуі екенін айтып жүр. Бірақ, ата-ананың көбі мұны суық тиюмен шатастырып жатады дейді. Өйткені, бұл инфекция алдымен 4 күн температура беріп, содан кейін бөртпе түрінде шығады. Сондықтан, ыстығы көтерілген баланы бала-бақша мен мектепке жібермей, бірден жедел-жәрдем шақыртуға кеңес береді. Айтпақшы, жасы 18-ге толған азаматтар да, емханадан қызылшаға қарсы екпе салдыра алады.

Әйгерім Ердәулет