Министр: Қаржының аздығы саланы дамытуға кедергі болып тұр

Ауыл шаруашылығы саласына жаңа, заманауи технологияларды енгізу үшін қаржы жеткіліксіз. Бұл туралы сала министрі Айдарбек Сапаров Сенаттағы Үкімет сағаты кезінде мәлімдеді. Диқандар мен фермерлерден бөлек ғалымдар да зерттеу жұмыстарына құлықсыз. Жалақылары аз, ынталандыру да жоқ. Сондықтан мардымды ғылыми жаңалықтар болмай отыр,- деді министр. Қаржыны көбейту туралы ұсыныс жасаған. Әзірге жұмыс істеп тұрған ғылыми институттардан сапалы өнім талап етумен шектеліп отыр.

Айдарбек Сапаров, ҚР ауыл шаруашылығы министрі:

Мен сол институттардың басшыларын жинадым. Айттым көп сорт шығарамыз деп әуре болмай ақ қояйық. Әр институт 5 сорт шығарсаңыздар, бірақ оның нәтижесі болуы керек. Шаруашылықтарға жетіп, сұранысы болу керек. Сонда ғана біз оның пайдасын көреміз.

Оңғар Алпысбай