Республикалық бюджет туралы заң мақұлданбады

Сенат депутаттары алдағы үш жылға арналған Республикалық бюджет туралы заң жобасын Мәжіліске кері қайтарды. Құжаттың жекелеген баптары мақұлданбады. Сенаторлар келер жылдың бюджет шығыстарын арттыру керек деп санайды. Экономика министрі Әлібек Қуантыров Ұлттық қордан 3,6 трлн теңге тарту көзделгенін айтты. Жалпы келер жылы шығын биылғыға қарағанда 1,5 трлн теңгеге көбейіп, 24 трлн теңгеге жетеді.

Мәулен Әшімбаев, ҚР Парламенті Сенатының төрағасы:

Мемлекеттік шығыстардың шамамен 40 пайызы әлеуметті:к салаға бағытталады. Осы ретте адами капиталды дамыту, білім беру мен денсаулық сақтау жүйелерін жетілдіру бизнес пен агроөнеркәсіптік кешенді қолдау үш жылдық бюджеттің маңызды басымдықтары екенін атап өткен жөн.