Үкімет басшысы ХВҚ-ның Қазақстандағы миссиясының басшысымен кездесті

Қазақстанда салық-бюджет саясаты жетілдіріледі. Бюджеттік процестерді оңтайландыруға, мемлекеттік қаржыны басқару сапасын арттыруға бағытталған жаңа Бюджет кодексі әзірленіп жатыр. Үкімет басшысы Әлихан Смайылов халықаралық валюта қорының Қазақстандағы миссиясының басшысы Николя Бланшемен кездесті. Тараптар Қазақстан мен Халықаралық валюта қоры арасындағы таяу және орта мерзімді перспективаға арналған ынтымақтастық жоспарларын талқылады. Үкімет Халықаралық валюта қорымен серіктестікке үлкен мән беретіні және оның Қазақстан экономикасын дамытуға қосқан үлесін жоғары бағалайтыны айтылды. Ал Николя Бланше Қазақстанның болашақта ауқымды экономикалық өсуге мүмкіндіктері жеткілікті екенін атап өтті.

Асима Нұрбайқызы