Қостанай облысында полиция қызметкерлеріне қарсы оқ атқан

Қостанай облысында полицияға бағынбай, қашып құтылғысы келген азамат тәртіп сақшыларына оқ атты.

Оқиға Қарабалық ауданының аумағында, Алматы – Екатеринбург тас жолының бойында болған. Полиция УАЗ автокөлігінің жарықсыз келе жатқанын байқап, тоқтауға белгі береді. Алайда жүргізуші қашып құтылуға әрекеттенген.

Алайда, рөлге ие бола алмай, көлік орға құлаған. Мұнан соң полицияға қарсы бірнеше рет аңшы мылтығынан оқ атып, жаяу қашқан азамат 2 сағаттан соң ұсталды. Күдікті қазір қамауда, үстінен қылмыстық іс қозғалды.

Дәуренбек Әбдібек