Израильдің шабуылына ұшыраған Газа тұрғындары босқындар үшін ас әзірлеп жатыр

Израильдің шабуылына ұшырап жатқан Газа тұрғындары босқындар үшін ас әзірлеп жатыр. Сектордың оңтүстігіндегі тұрғындар үйін тастап қашуға мәжбүр болған солтүстік халқына осылай көмектесуде.

Еске салсақ, Израиль әскері Газаның солтүстігін бөліп алып, онда хамастықтармен шайқасып жатыр. Осы соғыстан қашып жатқан халық гуманитарлық көмекке мұқтаж. Олар үшін оңтүстіктегі газалықтар күніне 3 мың табақ тағам дайындайды. Бірақ мұндай көмек ұзаққа созылмауы мүмкін. Себебі Газаның түскейінде де азық-түлік пен отын таусылуға жақын.