Нью-Дели тұрғындары улы түтіннен зардап шегіп отыр

Үндістан астанасы Нью-Делиде улы түтін тарамай отыр. Осыған байланысты дүкендерде ауа тазалағыштарға сұраныс күрт артып, олардың бағасы шарықтап кеткен. Соңғы мәліметке қарағанда, мұнда ауаның ластану индексі 457 баллға жетті. Бұл – денсаулыққа қауіпті деңгей. Тіпті 100-дің өзі өкпесінде проблемасы бар адамдар үшін зиянды саналады. Экология нашарлағандықтан алып шаһарда құрылыс жұмыстары доғарылып, көршілес штаттардан мейлінше, сабан өртеуді тоқтату талап етіліп отыр. Және де 20 миллион тұрғыны бар мегаполис басшылығы ауаны жақсарту үшін жауынды жасанды тәсілмен жаудыратынын мәлімдеді.

Арыстан Рысбек