Өзбекстанда пойыз бен автобус билеттері қымбаттады

Өзбекстанда теміржол билеті қымбаттады, қалааралық жолаушылар пойыздарында тариф 35 пайызға көтерілген. Ал жүрдек электр пойыздарына баға 60 пайызға өсті. Қымбатшылық қоғамдық көліктерді де айналып өтпеді. Автобустар мен метрода да жолақы көлемі артты. Бұған дейін жолаушылар 1400 өзбек сумын төлейтін. Жаңа тариф бойынша баға 2 мың сум болып бекітілді. Ал көлік картасы арқылы төлейтіндер үшін жолақы 1700 сум. Айта кетейік, Ташкентте қоғамдық көліктерде төлемнің автоматтандырылған жүйесі 2020 жылы енгізілген. Алайда жұрттың көбі әлі күнге дейін нақты ақшамен төлейді.

Базаркүл Отыншиева