Макрон Қазақстанға сапары жайында жазды

Франция президенті Эмманюэль Макрон Қазақстанға ресми сапары жайында әлеуметтік желіге жазды.

«Ұлы державалар үстемдік жасауға ұмтылып, ал басқа елдер адам сенгісіз күйге түскен әлемде жаңа перспективалар құруға болатын серіктесің мен арқа сүйей алатын достарыңның болғаны жақсы. Қазақстан мен Франция осындай елдер қатарында» –деді Эмманюэль Макрон инстаграм парақшасында.

Сонымен бірге қазақ жастарымен кездесуден кейінгі ойымен де бөлісті.

 «Бүгінгі таңда Қазақстан мен Франция арасында көптеген келісім бар. Күрделі мәселелер бойынша ынтымақтастық бар. Және біздің жастар бар! Астанада кездескен жастар – достығымыздың көрінісі, мәдениетіміз бен тілімізді байланыстыратын буын», – деп жазды Франция президенті.

Айя Мүтәлі