Сарапшы: Бірыңғай логистикалық платформа қажет

Еліміздегі тауар тасымалдайтын логистикалық компанияларды бір платформаға енгізу керек. Сол арқылы сауда секторын жандандыруға мүмкіндік туады. Бұл туралы Алматыда өткен халықаралық форумда айтылды. Отандық мамандар тонналап тауар жеткізумен айналысатын, бірақ қойманы қажет етпейтін Қытайдың алпауыт смарт компаниясының жұмыс істеу үлгісін алуға болады деп отыр. Көрші ел де өз тәжірбиесімен бөлісуге әзір.

 Сондай-ақ, сарапшылар қазақстандық компаниялардың франшизасына да сұраныстың артқанын алға тартты. Әсіресе сауда, қызмет көрсету және денсаулық саласындағы тың жобалардың үлгісіне европалық іскерлердің қызығушылығы басым.

Алуа Нұрбай, Консалтингтік және сауда компаниялары қауымдастығының президенті:

Қазір геополитикалық жағдайларға байланысты әрине тарихи түрде біз Жібек жолында жатырмыз. Бірақ көп тауарлар Қытайдан біз арқылы шетелге өтуі мүмкін. Қытайдың Ресеймен тікелей байланысы бар. Бірақ Ресей арқылы Европаға шығу қазір қиын. Сондықтан барлық Европалық мемлекеттерге бұл үлкен нарық. Ондай болса бұл Қазақстан экономикасына өте жақсы көмек көрестетін еді.

Әйгерім Ердәулет