Камчаткада вулкан атқылап жатыр

Ресейдің Камчатка түбегінде «Ключевская Сопка» вулканы оянды. Ол қазір 10 шақырым биіктікке от пен күл шашып жатыр. Мұны жергілікті вулканологтар хабарлады. Олардың дерегінше, жанартаудың түтіні 365 шақырым жерге жеткен. Одан ұшақтар қатынасына қауіп төнуі мүмкін.

Дегенмен аймақтың төтенше жағдайлар қызметінің мәлімдеуінше, вулканның күлі бірнеше елді мекенге аз мөлшерде жауды. Сондықтан тұрғындар арасында зардап шеккендер жоқ.

Арыстан Рысбек