Жаңалықтарды Telegram арнамыздан оқыңыз!Саясаттанушы Аман Мамбеталиев Франция президенті Эмманюэль Макронның Қазақстанға ресми сапарына қатысты бірқатар саяси болжамын жеткізді. Оның айтуынша екі ел арасындағы ықпалдастықты кеңейту әлеуеті өте жоғары, оны бірнеше бағыт бойынша қарастыруға болады, соның бірі - ядролық сала. Сонымен қатар, сарапшының пікірінше, екі ел басшыларының кездесуінен кейін титан экспорты артуы мүмкін, ол металға Францияның ұшақ жасау саласында сұраныс жоғары. Әрі Қазақстан ірі титан жеткізуші елдердің бірі саналады. Маманның мәліметі бойынша, бұл салада қарым-қатынас дамитын болса, ол еліміздің өңдеуші өнеркәсібіне серпін береді.
Аман Мәмбетәлиев, саясаттанушы:
Тағы бір өте маңызды блок, ол энергетиканың ішіндегі жаңа АЭС салу мәселесі көтеріледі деп ойлаймын. Өйткені Франция ядролық мемлекет. Көп АЭС бар. Мемлекеттердің ішінде оны салу бойынша көш бастап тұр. Францияға да Қазақстан өте маңызды екенін айту қажет. Өйткені Орталық Азиядағы Францияның түгел саудасы сол 90 пайызы Қазақстанмен байланысты.
Айя Мүтәлі
