Төтенше жағдайлар министрі Сырым Шәріпханов шахтаға түсті

Төтенше жағдайлар министрі Сырым Шәріпханов шахтаға түсті. Аварияны жою жөніндегі республикалық жедел штабтың басшысы қайғылы оқиға болған жерге тексеру жұмыстарын жүргізді. Іздестіру жұмыстары шамамен арасы 4 км қашықтықта орналасқан екі учаскенің маңында жүргізілуде. Құтқарушылар қажетті жабдықтармен қамтамасыз етілген. Газ жағдайы бақылауда. Іздестіру-құтқару жұмыстарына барлығы 55 тау-кен құтқарушысы және 15 техника жұмылдырылды. Шұғыл медициналық көмекті қамтамасыз ету үшін 7 бірлік жедел жәрдем техникасы мен 21 адам тағайындалған.