Жаңалықтарды Telegram арнамыздан оқыңыз!Қарағандыда шахтада қалған кеншілердің іздеу жұмыстары жалғасып жатыр.
Руслан Нұрланұлы, тілші:
Өрттің соңы жарылысқа ұласқан апаттан кейін шахтада қалып қойған 13 кеншіні іздеу түнімен жалғасты. Әзірге тек үш кеншінің денесі табылды. Құтқарушылар екі учаске бойынша жұмыс істеуде. Қазір оқиға орнында тау-кен құтқарушыларының 10 бөлімшесі жұмыс істеуде. Сондай-ақ, 20-дан астам арнайы техника жұмылдырылған. Сонымен қайтыс болғандар саны 36 адам. Оның 29-ы жоғарыға шығарылды. Марқұмдардың көбінің жеке басын анықтау қиынға түсіп жатыр, - дейді мамандар.
Ал жоғарыға аман шыққан 208 кеншінің 20-дан астамы ауруханада. Олардың дені метан газынан уланған. Қазір токсикология бөлімінде ем қабылдауда.
Руслан Нұрланұлы
