Жаңалықтарды Telegram арнамыздан оқыңыз!Әлихан Смайылов шахтада болған өрттің себептерін тергеу жөніндегі комиссияның отырысын өткізді. Премьер-Министр алдымен қаза тапқандардың тума-туыстарына қайғыра көңіл айтып, зардап шеккендерге толық көлемде медициналық көмек көрсетіліп жатқанын мәлімдеді. Отырыс барысында шахтадағы қазіргі ахуал, құтқару жұмыстары мен өзге де қабылданып жатқан шаралар талқыланды. Сондай-ақ, Әлихан Смайылов кәсіпорындағы қауіпсіздік мәселесі әлі де шешілмеген күйі қалып отырғанын атап өтті. Үкімет басшысы Қарағанды облысының әкімдігіне Төтенше жағдай министрлігімен басқа да мемлекеттік органдармен бірлесіп, апатты жою жөнінде қажетті шаралар қабылдауды тапсырды.
Тәуірбек Бозекен
