Израиль Газа секторымен арадағы шекарасын толық қауіпсіздендіргенін жариялады

Израиль өзінің Газа секторымен арадағы шекарасын толық қауіпсіздендіргенін жариялады. Сондықтан, еврей мемлекетінің аумағына өткен тәуілікте ешқандай содыр кіре алмаған. Ал шекараның бұзылған жеріне миналар қойылды. Дегенмен, Израиль Газаны бомбалауды тоқтатпаған. Құрбандар саны 1700-ге жақындап қалды. Солардың 900-ден астамы – израильдіктер, 700-ден астамы - палестиналықтар. Сонымен қатар, екі жақтан мыңдаған адам жараланған. Түркия Президенті соғысты тоқтатуға шақырды.

Айта кетсек, Хамас Израильдің оңтүстігіндегі қалаларға сенбі күні таңертең басып кірді. Бұл шабуылды исламшыл топ Израиль оккупациясы мен Газаның блокададан босатылмауына қарсылық ретінде жасағанын айтады.  

Арыстанбек Рысбек