Таяу Шығыста құрбандар саны 1100-ге жетті

Израильдің оңтүстігіндегі 7-8 жерде қарулы қақтығыс әлі жалғасып жатыр. Мұны осы елдің қорғаныс күштері мәлімдеді. Айта кетсек, сенбі күні хамастықтар Израильге басып кірді. Екі күнде соғыс құрбандарының саны 1100-ге жетті. Солардың 700-і израильдіктер болса, 400-і - палестиналықтар. Израиль үкіметі Хамасқа қарсы ресми түрде соғыс жариялап, Газа секторына әуеден соққы беріп жатыр. Үйлер, туннельдер, мешіттер қираған. 123 мың адам үйлерін тастап кетті.

Хамастың мәлімдеуінше, олардың еврей мемлекетіне шабуыл жасауына Израильдің палестиналықтардың жерін оккупациялап, Газаны 16 жылдан беру блокададан босатпауы себепші.

Арыстан Рысбек