Жаңалықтарды Telegram арнамыздан оқыңыз!Шетелде еңбек етіп жүрген қазақстандықтар бақылауға алынады. Еңбек және халықты әлеуметтік қорғау министрлігі көші-қон саясатына өзгеріс енгізбек.
Жаңа құжатқа сәйкес, шетелде қызмет еткісі келетіндер үшін арнайы квота бөлінеді. Осылайша, оларға жұмыс орнын тауып беру, құжат рәсімдеу жұмыстарымен жеке компаниялар айналысады. Бұл арқылы азаматтардың өзге елде заңсыз жүруін алдын алып, құқықтарының қорғалуын қамтамасыз етпек. Қазір ол үшін бірқатар мемлекетпен келіссөз жүріп жатыр.
Жалпы бүгінде шетелде еңбек ететін 194 мыңға жуық қазақстандық бар. Оның 162 мыңы Ресейде, 13 мыңы Польша елінде, 6 мыңға жуық адам Оңтүстік Кореяда. Тағы 5 мыңы Ұлыбритания елінде табыс тауып жүр.
