Жаңалықтарды Telegram арнамыздан оқыңыз!Елімізде Қытай мен АҚШ автокөліктеріне сұраныс күрт артты. Data Hub аналитикалық орталығының зерттеуіне сүйенсек, әсіресе, қытайлық брендті сатып алушылар көбейген. Мәселен, былтыр көрші елден 12 мыңнан астам көлік импортталса, биыл жарты жылдың өзінде 26 мың автомобиль жеткізілген. Одан кейін АҚШ-тан 17 мың, Жапониядан – 16 мың, Оңтүстік Кореядан – 10 мың, Германиядан 3 мыңға жуық көлік әкелінді. Ал Ресейде шығарылған транспортқа сұраныс керісінше төмендеді. Көрші елден былтыр 7 жарым мыңға жуық автомобиль кіргізілсе, биыл небәрі 300-ге жуық көлік импортталған.
