Инвесторлардың құқығын қорғау тетіктері күшейтіледі

Үкімет инвесторлардың құқығын қорғау және бизнеске қолайлы орта қалыптастыру мәселесін қайта қарады. Премьер-министр Олжас Бектенов Президент тапсырмаларын іске асыру аясында арнайы кеңес өткізді. Жиында инвестициялық жобаларды сүйемелдеу, әкімшілік кедергілерді азайту және инвесторлардың мәселелерін жедел шешу тетіктері талқыланды. Үкімет басшысы инвестиция тарту ел экономикасының басым бағыты екенін атап өтіп, мемлекеттік органдарға инвесторлармен жұмысты күшейтуді тапсырды. Сондай-ақ бизнеске түсетін артық жүктемені азайтып, құқықтық кепілдіктерді күшейтуге басымдық берілетіні айтылды. Бұл шаралар елдің инвестициялық тартымдылығын арттыруға бағытталған.