«Батырларға тағзым»: 705 мыңнан астам майдангер туралы дерек жинақталды

«Батырларға тағзым» порталында 705 мыңнан астам майдангер туралы дерек жинақталған. Жоба былтыр бастау алып, Ұлы Жеңіске өлшеусіз үлес қосқан қазақстандықтардың ерлігі мен жанкештілігі туралы болашақ ұрпаққа құнды ақпаратты жеткізуге бағытталған. Қазіргі таңда сайтта 705 488 ардагер туралы дерек бар. Оның ішінде 365 Кеңес одағының батыры, 4 екі мәрте Кеңес одағының батыры және 19 «Даңқ» орденінің кавалері туралы ақпарат жинақталған. Айта кету керек, Мәдениет және ақпарат министрлігі онлайн-порталды толықтыру жұмысын жалғастырып жатыр.