Өскемендегі жарылыс: Астанадан дәрігерлер жіберіледі

Өскемен қаласындағы «Казцинк» кәсіпорнында болған жарылыстан зардап шеккен науқасқа көмек көрсету үшін Астанадан Ұлттық шұғыл медицинаны үйлестіру орталығының мамандары жіберіледі. Күні кеше өңір дәрігерлері апат кезінде жарақат алған 1980 жылы туған ер адамның денесінің 90 пайызын кең ауқымды термиялық күйік шалып, тыныс алу жолдары мен көзі зақымданғанын хабарлаған еді. Сондықтан жауапты кәсіпорын емдеу шараларын күшейту мақсатында республикалық деңгейдегі мамандарды тарту туралы шешім қабылдаған. Қазіргі уақытта ер адам дәрігерлердің тұрақты бақылауында. Оған қарқынды терапия жүргізіліп жатыр.