Ұлттық қор – ұрпаққа: Мәжілісте заң жобасы қабылданды

1 қаңтардан бастап ұлттық қордың инвестициялық табысының 50 пайызы балалардың шотына аударылады. Бүгін тиісті заң жобасы Мәжілісте екінші оқылымда қабылданды. Қаражат 18 жасқа дейінгі барлық балаға теңдей бөлінеді. Егер бүлдіршін өзге елдің азаматтығын алатын болса жинақтан айырылады. Керісінше өзге елден көшіп келгендердің депозитіне Қазақстан азаматтығын алған күннен бастап ақша түседі. Қаржы тек доллармен жинақталады. Осылайша мемлекет басшысының жолдауда айтқан тапсырмасы заңдың тұрғыдан шешімін тапты.

Берік Бейсенғалиев, ҚР Парламенті Мәжілісінің депутаты:

Бұл қаражаттарға ешқандай тыйым салуға болмайды. Және салық салынбайды. Және бұл қаражатты 18 жасқа толғаннан кейін ғана алуға мүмкіндігі бар. 18 жасқа толғаннан кейін азамат өзі шешеді. Бұны өзінің тұрғын үй жағдайын жақсарту немесе пәтер сатып алу не болмаса білім алуға жұмсауға болады.