Қостанай облысында киіктер егін мен шабындықты таптап жатыр

Қостанай облысында киіктер егіс алқаптары мен жайылымды таптап, ақ тақырға айналдырып жатыр. Әсіресе Наурызым, Қамысты, Амангелді, Жангелдин аудандарының шаруалары қатты зардап шеккен. Аймақта астықтың шығымы онсыз да төмен. Диқандар гектарына 8 центнерден өнім алса соны қанағат тұтады. Ал киіктер егінге түсіп жайылатындықтан бұл көрсеткіш былтыр 2-3 центнерге дейін азайған. Диқандар «уақыт пен қаржымыз егістікті киіктен қорумен өтіп жатыр» деп налиды.

Ерден Сейітжанов, шаруа:

Егінімізде 5-10 мыңға дейін киік жүрді биыл. Нақ егін өсіп жатқан уақытта. 30 пайызға дейін шығын болды. Себебі киік аунайды, жейді, тұяғымен таптайды. Көбейік кеткендігінен зардап шегіп отырмыз.

Дәуренбек Әбдібек