Грекияда су тасқынынан 6 адам қаза тапты

Грекияда су тасқынынан 6 адам қаза тапты. Тағы алтауы жоғалып кеткен. Жақында бұл елге «Дэниель» дауылы соққы берген еді. Орталық аймақтарда қатты жауын-шашын болып, лай көшкіні орын алды. Жолдар мен көпірлер бұзылып, көліктер суға кетті. Топан су деңгейі көтеріліп жатқандықтан халық эвакуацияны балкондар мен шатырларда күтіп отыр. Соңғы мәліметке қарағанда ел аумағында 820 адам қауіпсіз жерге көшірілген. Қазір құтқару операциясы жалғасып жатыр.

Арыстан Рысбек