Израиль үкіметінің жақтастары шеруге шықты

Иерусалимде Израиль үкіметінің жақтастары шеруге шықты. Дау тудырған сот реформасына қолдау білдірген акцияға жүздеген адам қатысқан. Жаңа реформа бойынша сайланбаған судьяларға қызметін саяси мақсатқа пайдалануға жол бермейді. Бұл туралы премьер-министр Биньямин Нетаньяху мәлімдеген еді. Мұндай өзгеріс билік тармақтары арасында тепе-теңдік орнату үшін қажет. Алайда оппозиция өкілдері мұнымен келіспейді. Олардың пайымынша, шенеуніктер өздеріне бақылауды әлсірету үшін сот жүйесін реформалауды көздеп отыр.

Арыстан Рысбек