Алматыда қылмыстық топ ұсталды

Алматыда марихуана мен гашишті аса ірі мөлшерде өсірумен және өткізумен айналысқан қылмыстық топ ұсталды. Арнайы құрылған жедел-тергеу топтары Алматы қаласы мен Алматы облысының аумағында бас-аяғы 14 адамды ұстады. Қызметтік-іздестіру иттерін пайдалана отырып, бір уақытта тінту жүргізген.

Әр үйде есірткі заттары табылған. Операция нәтижесінде заңсыз айналымнан 40 келіден астам есірткі тәркіленді. Қазір қылмыстық іс қозғалды. Полицияның дерегінше, олар енді 12 жыл бас бостандығынан айырылуы мүмкін.

Әйгерім Ердәулет