19 мемлекеттің орталық банк өкілдері Астанаға жиналды

Елімізге 19 мемлекеттің орталық банктерінің өкілдері келді. Астанада әйгілі IPAF саммиті аясында алғаш рет инвестициялық форум өтіп жатыр. Іс-шарада ірі көлемде қарыз алып, борышын өтей алмай жүрген кәсіпкерлерге қолдау көрсету жайы талқыланып жатыр. Бүгінде осы мақсатта елімізде арнайы қор құрылған. Ол банкроттықтан шығуға, кәсібін қайтадан жандандыруға әлеуеті жетеді деген компанияларды іріктеп, қаржылай көмек береді. Мұндай қорлар Корея, Индонезия, Таиландта да бар екен. Бүгінгі халықаралық форумда олар өз тәжірибелерін ортаға салады.

Орталық Азия экономикасының жартысынан астамы Қазақстанға тиесілі. Мұнда ірі компаниялар көп. Алайда олардың бәрі бірдей табысты емес. Бұл кез келген елде солай. Сондықтан бұл ретте біздің бір-бірімізге үйрете алатынымыз көп деп ойлаймын.