Қармақшыда жастар марафоны ұйымдастырылды

Қызылорда облысы Қармақшы ауданында спортты серік еткен жастар марафонға шықты. Саламатты өмір салтын ұстанған 50-ге жуық жас 7 шақырымдық қашықтықты бағындырды. 

Жастар күніне орай өткен спорттық шарада ерлер және бұрымдылар бөлек сынға түсті. Жазғы мезгілде ауа райының ыстығына қарамастан барлық қатысушы төзімділік танытып, марафонды жүгіріп өтті. Ал мәре сызығын бірінші болып кескен қыздар мен жігіттерге қаржылай сертификат табысталды.