Жаңалықтарды Telegram арнамыздан оқыңыз!Жамбыл облысында ауыз су сапасын жақсартуға бөлінген қаржыны жымқырғандар сотталды. Олар мемлекеттің 6,5 млн теңгесін қолды қылды деп айыпталған. Бас прокуратураның дерегінше, Қордай ауданы Сарыбастау ауылында тұрғын үй-коммуналды шаруашылығы бөлімі мен «Қордай су» мекемесінің басшылары және кәсіпкер бірлесіп, 12 млннан астам қаржыға су мұнарасын салуы тиіс болған. Алайда нысан талапқа сай келмейді. Қордай аудандық сотының үкімімен бөлім басшысы 8 жылға бас бостандығынан айырылды. Кәсіпкер 3 жыл 6 айын темір торда өткізеді. Үкім заңды күшіне енген жоқ.
Дарын Сағитов
