Жаңалықтарды Telegram арнамыздан оқыңыз!Бүгін елімізде жоғары оқу орындарында білім беру гранттарының конкурсына өтініш қабылдау басталды. Науқан 20 шілдеге дейін жүреді. Ғылым және жоғары білім министрі астанадағы білім ошақтарының бірінде болып, қабылдау комиссиясының жұмысымен танысты. Талапкерлер құжаттарын жоғары оқу орындарына келіп, офлайн тапсыруларына болады. Сонымен қатар, Ұлттық тестілеу орталығының веб-сайты, еGov электрондық үкіметі, оқу орынның виртуалды қабылдау комиссисы арқылы да құжаттар қабылданады. Науқанға ең білікті мамандар тартылған. Сонымен қатар білім ошақтарында түрлі кеңес беретін колл-орталықтар да жұмыс істейді.
Саясат Нұрбек, ҚР Ғылым және жоғары білім министрі:
Биыл 88 мың грант бөлінді мемлекеттік тапсырыс аясында. Олардың 60 пайызы инженерлік-техникалық мамандықтарға бөлінген. Жыл сайын біз 5 мың грантқа ұлғайтып отырмыз. Арнайы батыс екі аймаққа, бұл Президенттің тапсырмасы, Атырау және Маңғыстау өңіріне арнайы 5 мың грант беріліп отыр.
Хасан Ерланов, талапкер:
Құжаттарды қабылдау тез болды. 15 минутта бәрін түсіндіріп, бүкіл құжаттарымызды алып, сұрақтарымызға жауап беріп, өтінішімізді қалдырып кеттік.
Дарын Сағитов
