Жаңалықтарды Telegram арнамыздан оқыңыз!Абай облысының Көкпекті ауданында тұтанған қамыс өрті бүгін таңғы сағат 7-де толығымен сөндірілді. Тілсіз жау 2-ші шілде күні Көкпекті ауданы Үлгілі Малшы ауылынан 50 шақырым жерде тұтанған болатын. Ғарыштан жасалған түсірілімге сәйкес, жалын 910 гектарға жуық жерді шарпыған. Ал Шығыс Қазақстан облысындағы өрт сөндіру жұмыстары жалғасып жатыр. «Асубұлақ орман шаруашылығының аумағында таулы, жартасты, жетуі қиын жерлерде шамамен 20 гектар алаңдағы құрғақ шөп пен бұталар өртенген. Елді мекендерге қауіп жоқ», – дейді Төтенше жағдайлар министрлігі. Дегенмен жалынды сөндіруге 5 тікұшақ, 200-ден астам адам, 25 техника жұмылдырылған.
