Жаңалықтарды Telegram арнамыздан оқыңыз!Абай облысындағы өрт ісі бойынша «Семей-Орманы» резерваты мен Жаңа Шүлбі филиалының басшылары күдікті ретінде танылды. Бұл туралы Бас прокуратура хабарлады.
Олар қылмыстық кодекстің 292-бабының 3-бөлігі бойынша яғни, абайсызда екі және одан да көп адамның өліміне әкеп соқтырған өрт қауіпсіздігі талаптарын бұзу дерегі бойынша айыпталып отыр. Күдіктілерге қатысты жасы мен денсаулық жағдайын ескере отырып «үйқамаққа алу» түріндегі бұлтартпау шарасы қолданылды. Тергеу жалғасып жатыр. Ал өрттің нақты себебін анықтау бойынша жұмыстар жалғасады. Олардың арасында қасақана өрт қою, ақаулы техниканы пайдалану, найзағай разряды және басқа да ықтимал себептер қарастырылып жатыр.
