Қызылордада бір аптада екі дәмхана өртенді

Қызылордада жаз басталғалы өрт оқиғалары жиіледі. Әсіресе, тұрғын үй секторларында тілсіз жау тыйылар емес. Жалпы маусым айында 37 жағдай тіркелген.

Ал соңғы 10 күн ішінде қалада екі кәсіпкерлік нысан отқа оранды. Соның бірі Ғани Мұратбаев көшесіндегі «Жансель» кафесі толықтай өртеніп кетсе, күні кеше «Тамсан» дәмханасын да қызыл жалын шарпыды. Мамандар мұндай жағдайлар көбіне тұрғындардың қарапайым өрт қауіпсіздігі талаптарын сақтамауынан туындап отыр дейді.

Асхат Оразбеков, облыстық ТЖД басқарма бастығы:

Болжаммен «Жансель» кафесіндегі өрттің шығу себебі, электр желілерінің қысқаша тұйықталуы. Ал кеше болған «Тамсан» кафесінің жаздық алаңында болған өрттің оқиғасы. Болжаммен ашық отты пайдаланудағы аңғалдықтан деп отырмыз. Бірақ, нақты мамандардың қорытындысы енді шығады.