Жаңалықтарды Telegram арнамыздан оқыңыз!Петропавлда балалар мен жасөспірімге арналған «Олимп» және «Дельфин» спорт мектептерінің басшылары бірнеше адамды жұмысқа алып, заңсыз еңбекақы төлеп келген.
Бұл дерек прокурорлық тексеріс кезінде белгілі болды. Сонымен қатар аталған нысандарда балалар киім ауыстыратын бөлмелер және кейбір спорттық құрал-жабдықтар жоқ болып шықты. Тексерістен кейін бюджетке 6,8 млн теңге қайтарылып, 14 адам әртүрлі жауапкершілікке тартылды. Дене шынықтыру және спорт басқармасының бастығы Сергей Мелеховке сөгіс жарияланды. Негізсіз еңбекақы төлеу, жұмысқа жалған құжатпен орналастыру деректері бойынша жиналған материалдар процессуалдық шешім қабылдау үшін құқық қорғау органдарына жіберілді.
Қазбек Ғалымжан, қалалық прокуратураның прокуроры:
Медициналық анықтамада дәрігерлердің қолтаңбасын қолдан жасау деректері де анықталды. Қазір қылмыстық іс қозғалып, тергеу жүріп жатыр.
