Оралда өртенген автобус жүргізушісіне айыппұл салынды

Оралда өртенген автобус жүргізушісінің құжаттары түгел болмай шықты. Көлік техникалық тексерістен өтпеген, сақтандыру полисі де жоқ. Бұл туралы облыстық ПД баспасөз қызметі мәлімдеді. Жолаушылар тасымалдау ережесін бұзғаны үшін 37 жастағы азаматқа айыппұл салынды. Ал балалар лагерінің жетекшісіне қатаң сөгіс жарияланды.

Еске салсақ, "Балауса" балалар лагерінде демалып жүрген 60 бала кинотеатрдан қайтып келе жатқанда өрт болған. Жеке автобусты мектеп, ата-аналардың келісімімен жалдаған. Білім ұясының өз автобусы жоқ. Абырой болғанда балалар көліктен шығып үлгерген.  

Ардақ Мұратқызы