Маңғыстаудағы «Қаратұрын» кен орнындағы өрт әлі сөндірілмеді

Маңғыстаудағы «Қаратұрын» мұнай-газ кен орнынан шыққан өртті кешелі бері ауыздықтау мүмкін болмай жатыр. Әскерилендірілген авариялық құтқару қызметі мен төтенше жағдайдың 20-ға жуық техникасы мен 100-ден астам қызметкері жұмылдырылған. Кен орны Ақтау қаласынан 277 шақырым жерде. Өрт «Бузачи Нефть» серіктесгіне тиесілі оңтүстік учаскесіндегі бұрғылау ұңғымасынан шыққан. Мамандардың хабарлауынша, бұрғылау құрылғысы көтеріліп кетіп, ашық газдан көгілдір отынмен су қоспасы бөлініп өрт пайда болған. Жалынның биіктігі 10 метрге дейін жеткен.