Елдегі күштік органдардың 39 қызметкері қылмыстық жауапқа тартылады

Азаптау әдістерін қолданғаны үшін күштік органдардың 39 қызметкері қылмыстық жауапқа тартылады. Олар 88 азаматқа тергеудің рұқсат етілмеген әдістерін қолданған. Бұл туралы Бас прокуратура өкілдері мәлімдеді. Ведомство полиция ғимараттары мен Қылмыстық-атқару жүйесі комитетінің мекемелерін тексеріп, бейнекамералармен қамтылмаған 5800-ден астам учаске мен үй-жайды анықтады. 900 камера жұмыс істемеген. Прокуратураның ұсынысы бойынша, аймақтарды бақылау үшін қосымша 3783 бейнекамера орнатылды. Ғимараттарды толық жабдықтауды жыл соңына дейін аяқтау жоспарланып отыр. Ішкі істер министрлігіне психологиялық тестілеу арқылы азаптауды қолдануға бейім қызметкерлерді алдын ала анықтау ұсынылды.

Дарын Сағитов