Мамыр айында Қостанай облысында балалар жарақаты екі есе көбейген

Мамыр айында Қостанай облысында балалар жарақаты екі есе көбейген. Бұған дейін дәрігер көмегіне тәулігіне 30-40 жеткіншек жүгінсе, қазір бұл сан 70-80-ге дейін жетіп отыр. Мамандар бұған күн жылынғалы балалардың далада ойнауы жиілегенімен түсіндіреді. Өйткені балалар оқыс жағдайға спорт, ойын алаңдарында ұшырауда деді. Велосипед, самокат, әткеншектен құлап та жарақаттанғандар көп. Қазір облыстық балалар ауруханасының 40 орындық жарақат бөлімінде науқастар саны 50-ге дейін жеткен.

Қадиша Сүлейменов, Облыстық балалар ауруханасы жарақат бөлімінің меңгерушісі:

Балаларға қауіпсіздік ережелері туралы үнемі айтып, түсіндіріп отыру керек. Қазір ата-ананың басты міндеті осы болуы тиіс. Сонда ғана ойын баласын абайсызда жарақаттанудан сақтандыра аламыз.

Дәуренбек Әбдібек