Жаңалықтарды Telegram арнамыздан оқыңыз!Таяу Шығыста ахуал шиеленісе түсті. Израиль мен Палестина біріне-бірі зымыранмен оқ жаудырды. Израиль әскерилері Газа секторындағы «Ислам джихады» тобының нысандарына соққы бергеннен кейін атыс өршіген. 25 палестиналық қаза тапты. Олардың арасында аталған топтың ракета ұшыру күштерінің командирі, өзге жоғары лауазымды мүшелері де бар. Бұған жауап ретінде Израильге 400-ге жуық зымыран ұшырылған. Оны «Ислам джихады» мен «Хамас» мойнына алды. Снарядтардың көбін Израиль әскерилері атып түсірген. Аймақта қақтығыс өткен аптада Израиль түрмесінде аштық жариялаған палестиналық қаза тапқаннан кейін өршіді. Мысыр болса, екі тарап арасында бітімге қол жеткізуге тырысып жатқанын мәлімдеді.
Арай Төлегенқызы
