Таяу Шығыстағы қақтығыс құрбандарының саны 49-ға жетті

Иордан өзенінің Батыс жағалауындағы Хеврон қаласында израильдік әскерилерді шабуылдаған екі палестиналық өлтірілген.

Аймақтағы ахуал қыркүйектің соңында шиеленісе түсті. Бұған Израильдің яһудилермен қатар, мұсылмандар үшін де қасиетті орындарға апарар жолды жауып тастағаны себеп. Таяу Шығыстағы қақтығыс Біріккен Ұлттар Ұйымының бас хатшысы Пан Ги Мунның назарынан тыс қалмады.

Әлемнің бас дипломаты аймаққа барып, Израиль Премьер-министрі Биньямин Нетаньяхумен және Палестина автономиясының президенті Махмұд Аббаспен кездесті. Ол Иерусалимдегі зорлық-зомбылықты дереу тоқтатуға шақырып, аймақта тұрақтылық орнатуға қажетті көмек көрсетуге дайын екенін мәлімдеді.