Жаңалықтарды Telegram арнамыздан оқыңыз!Израиль Газа секторын бомбалауды, ал палестиналық қарулы топтар еврей мемлекетінің аумағына ракета атуды жалғастырып жатыр. Соңғы мәліметке қарағанда, мамырдың 10-нан бері Газада 450-ге жуық ғимарат жермен-жексен болған. Олардың ішінде жүздеген пәтер мен қоймалар, дүкендер бар. Және де палестиналықтар 217 адам жоғалтса, Израильде 12 адам мерт болған. Ал, АҚШ, Мысыр сияқты елдердің бұл жанжалды тоқтату әрекеті әзірге нәтиже бермей отыр.
Израиль қалалары мен Батыс жағалауда және Шығыс Иерусалимде арабтар жалпыхалықтық ереуілге шығып, Газаға соққы беруді доғаруды талап етіп жатыр. Сондықтан бұл аудандарда талай мемлекеттік мекеме мен мектептер, кәсіпорындар жабылып қалған.
Арыстан Рысбек
